Onde estou?
Mapa do terreo: que ferramentas existen, para que serve cada unha e cales merecen o teu tempo.
Edición finalizada · 4–7 xuño 2026
Residencia IA · Xuño 2026 — Esgotada
A primeira Residencia Rural GPT reuniu durante tres días en Anceu a doce profesionais de sectores moi distintos para aplicar a IA ao seu traballo real.
Ver os talleres actuais
Cando 4–7 xuño 2026
Onde Anceu Coliving · Ponte Caldelas
Formato 3 días · 3 noites
Grupo 12 profesionais · prazas esgotadas
O programa
Tres preguntas. Tres días para respondelas.
Que podo automatizar?
O traballo baixo a lupa: tarefas que podes automatizar, delegar á IA ou facer na metade de tempo.
Podo construír cousas?
Da idea ao prototipo con Cursor, Bolt e Lovable, mesmo sen saber programar.
O formato
Formación, convivencia e foco.
A experiencia incluíu tres días de formación práctica, tres noites en Anceu Coliving, todas as comidas, materiais, comunidade alumni e unha sesión de seguimento.
Un dos resultados
De media hora cada día a menos dun minuto.
Sara é desenvolvedora web. Chegou cunha tarefa que se repetía cada día: optimizar 80 imaxes á man. Ao día seguinte tiña o seu propio executable: un botón, unha carpeta e o traballo feito en menos dun minuto.
Iso é Rural GPT. Non teoría futurista. Solucións reais, sinxelas e creadas por ti para recuperar o teu tempo.
O lugar
Un laboratorio de innovación nunha aldea galega.
Anceu Coliving combina fibra de 1 Gbps, natureza e espazos para traballar sen as distraccións da cidade. Ese contorno foi parte da experiencia.
Preguntas da edición
Aloxamento e loxística
Como era o aloxamento?
A edición incluía tres noites en Anceu Coliving, con opción de cuarto individual ou compartido para un máximo de dúas persoas.
Que comidas estaban incluídas?
Almorzo, xantar e cea durante a residencia, con gastronomía local e opcións adaptadas a necesidades alimentarias comunicadas con antelación.
Como se chegaba a Anceu?
Anceu está en Ponte Caldelas, a uns trinta minutos de Pontevedra. Coordináronse chegadas compartidas entre participantes.
A residencia rematou. Rural GPT continúa.
En outono volvemos cun formato máis curto: dous talleres sprint dunha xornada, en Anceu e co mesmo enfoque práctico.